Skip Ribbon Commands
Skip to main content



Date 21/10/2009-14:13:00 PM
ທ່ານ ນາຍົກລັດຖະມົນຕີ ໂອ້ລົມຕໍ່ ກອງປະຊຸມປະຈຳປີທົ່ວປະເທດວ່າດ້ວຍ ການກວດກາ

ໃນວັນທີ 13 ຕຸລາ 2009, ທີ່ສູນຝຶກອົບຮົມສາກົນລາວ-ຍີ່ປຸ່ນ, ທ່ານ ບົວສອນ ບຸບຜາວັນ, ນາຍົກ ລັດຖະມົນຕີ ໄດ້ເປັນກຽດໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມປະຈຳປີທົ່ວປະເທດ ວ່າດ້ວຍການ ກວດກາ, ຄວບຄຸມ ສະກັດກັ້ນ ແລະ ຕ້ານຢາເສບຕິດ
ໃນ​ວັນ​ທີ 13 ຕຸລາ 2009, ທີ່ສູນຝຶກອົບຮົມສາກົນລາວ-ຍີ່ປຸ່ນ, ທ່ານ ບົວສອນ ບຸບຜາ​ວັນ​, ນາຍົກ ລັດຖະມົນຕີ ​ໄດ້​ເປັນ​ກຽດ​ໂອ້​ລົມ ​ແລະ ໃຫ້ທິດຊີ້ນຳຕໍ່ກອງປະຊຸມປະຈຳປີທົ່ວປະເທດ ວ່າດ້ວຍການ ກວດກາ, ຄວບຄຸມ ສະກັດກັ້ນ ແລະ ຕ້ານຢາເສບຕິດ ເຊິ່ງກ່ອນອື່ນທ່ານໄດ້ຕີລາຄາສູງ ຕໍ່ບັນດາທ່ານໃນ ຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ ທັງສູນກາງ ແລະ ທ້ອງຖິ່ນ ທີ່ໄດ້ເອົາໃຈໃສ່ໃນການປະຕິບັດ ວຽກງານໃນໄລຍະທີ່ຜ່ານມາ, ເຊິ່ງກອງປະຊຸມຄັ້ງນີ້ໄຂຂຶ້ນໃນໂອກາດ ວັນຕ້ານຢາເສບຕິດແຫ່ງຊາດຄົບຮອບ 8 ປີ (ວັນທີ 12 ຕຸລາ) ເຊິ່ງເປັນວັນຫນຶ່ງ ທີ່ມີຄວາມຫມາຍສຳຄັນ ຂອງຊາດລາວເຮົາ ແລະ ກໍ່ຢູ່ໃນໂອກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວທັງຊາດ ພວມ ເລີ່ມຈັດຕັ້ງປະຕິບັດງວດທຳອິດຂອງແຜນພັດທະນາເສດຖະກິດ-ສັງຄົມ ແລະ ແຜນງົບປະມານປະຈຳສົກ ປີ 2009-2010. ໃນໂອກາດປິດກອງປະຊຸມດັ່ງກ່າວ ທ່ານ ນາຍົກລັດຖະມົນຕີ ກໍ່ໄດ້ສະເຫນີໃຫ້ຜູ້ແທນ ເຂົ້າຮ່ວມກອງປະຊຸມ ເອົາໃຈໃສ່ສືບຕໍ່ປະສານສົມທົບກັບຄະນະພັກ, ອຳນາດການປົກຄອງທ້ອງຖິ່ນ ຂັ້ນ ຕ່າງໆ ເປັນຕົ້ນບັນດາແຂວງພາກເຫນືອ ເອົາໃຈໃສ່ສືບຕໍ່ໂຄສະນາ ສຶກສາອົບຮົມບໍ່ໃຫ້ປະຊາຊົນ ກັບມາປູກຝິ່ນຄືນໃຫມ່ ໂດຍປະສານສົມທົບກັບ ຄະນະຊີ້ນຳພັດທະນາຊົນນະບົດຮອບດ້ານ ແລະ ແກ້ໄຂ ຄວາມທຸກຍາກ ຂອງປະຊາຊົນ ຮີບຮ້ອນຈັດສັນພູມລຳເນົາ ບ່ອນທຳມາຫາກິນໃຫ້ເຂົາເຈົ້າ ຕາມຄວາມ ເຫມາະສົມ ເອົາໃຈໃສ່ສຳຫລວດກວດກາບໍລິເວນ ທີ່ເຄີຍປູກຢ່າງເປັນປະຈຳ ສືບຕໍ່ເປີດຂະບວນການ ສຶກສາອົບຮົມ ແລະ ໂຄສະນາ ຢ່າງກວ້າງຂວາງຜົນຮ້າຍຂອງຢາເສບຕິດ. ຢູ່ຊຸມຊົນ, ໂຮງຮຽນ, ສະຖາ ບັນ ຕ່າງໆ ຄະນະກຳມະການແຫ່ງຊາດເພື່ອກວດກາ ແລະ ຄວບຄຸມຢາເສບຕິດ ເຊີດຊູຄວາມ​ເປັນ ເຈົ້າການ ແລະ ຄວາມຮັບຜິດຊອບໃນການສືບຕໍ່ເສີມຂະຫຍາຍແຜນແມ່ບົດ ວ່າດ້ວຍການຄວບຄຸມ ຢາ ເສບຕິດ ທີ່ລັດຖະບານໄດ້ຮັບຮອງເອົາແລ້ວ ໃຫ້ເປັນໂຄງການນຳເອົາ ບັນຫາຢາເສບຕິດເຂົ້າເປັນຈຸດສຸມ ໃນຂະບວນການກໍ່ສ້າງຮາກຖານການເມືອງແລະພັດທະນາຊົນນະບົດຂັ້ນບ້ານ ແລະ ກຸ່ມບ້ານເພື່ອດຳເນີນ ການສືບຂ່າວ, ເກັບກຳຂໍ້ມູນ ແລະ ຂຶ້ນບັນຊີເປົ້າຫມາຍຜູ້ເສບ, ຄ້າ, ຂາຍ ແລະ ມີຢາໄວ້ຄອບຄອງ ເພື່ອກ້າວໄປເຖິງການສະກັດກັ້ນ ແລະ ຈັບກຸມຜູ້ກະທຳຜິດມາດຳເນີນຄະດີ ຕາມລະບຽບກົດຫມາຍບ້ານ ເມືອງ. ນອກນີ້ກໍ່ໃຫ້ເພີ່ມທະວີ ການພົວພັນຮ່ວມມື ກັບບັນດາປະເທດເພື່ອນມິດ ແລະ ອົງການ ຈັດຕັ້ງສາກົນ ໃຫ້ ມີປະສິດທິຜົນຫລາຍຂຶ້ນ ເປັນຕົ້ນແມ່ນການຮ່ວມມືກັບບັນດາປະເທດໃກ້ຄຽງ ເພື່ອແກ້ ໄຂບັນຫາຢາເສບ ຕິດ ຕາມຊາຍແດນ.
ກອງ​ປະຊຸມ​ຄັ້ງ​ນີ້ ​ໄດ້​ດຳ​ເນີນມາ​ແຕ່​ວັນ​ທີ 12 ຕຸລາ 2009 ​ໂດຍ ການເປັນປະທານ ຂອງທ່ານ ສຸບັນ ສຣິດທິຣາດ ລັດຖະມົນຕີປະຈຳ ສຳນັກງານປະທານປະເທດ, ປະທານ ຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາເສບຕິດ, ເຊິ່ງມີບັນດາປະທານຄະນະກຳມະການກວດກາ ແລະ ຄວບຄຸມ ຢາເສບຕິດຂັ້ນແຂວງ, ຫົວຫນ້າກົມ ແລະ ພະແນກການອ້ອມຂ້າງສູນກາງ ແລະ ທ້ອງຖິ່ນເຂົ້າຮ່ວມ. ໃນກອງປະຊຸມໄດ້ມີການຮັບຟັງການລາຍງານ ກ່ຽວກັບການຈັດຕັ້ງປະຕິບັດແຜນແກ້ໄຂບັນຫາຢາ ເສບຕິດ ຢູ່ ສປປ ລາວ ພາຍຫລັງທີ່ລັດຖະບານ ໄດ້ປະກາດລົບລ້າງການປູກຝິ່ນໃນຂອບເຂດ ທົ່ວປະເທດ ໃນຕົ້ນປີ 2006 ມາເຖິງປະຈຸບັນກໍ່ຍັງມີຄອບຄົວຈຳນວນຫນຶ່ງ ລັກລອບປູກຝິ່ນເຊິ່ງທາງເຈົ້າຫນ້າທີ່ ກໍ່ໄດ້ ມີການເຂັ້ມງວດກວດຂັນຢ່າງຈິງຈັງເພື່ອໃຫ້ບັນຫາດັ່ງກ່າວ ຫມົດໄປ. ກອງປະຊຸມຍັງໄດ້ເຜີຍແຜ່ ກົດ ຫມາຍ, ດຳລັດ, ຄຳສັ່ງ ກໍ່ຄື ເນື້ອໃນຂອງແຜນແມ່ບົດແຫ່ງຊາດກ່ຽວກັບການກວດກາ ແລະ ຄວບຄຸມ ຢາ ເສບຕິດ ແຕ່ນີ້ເຖິງປີ 2013 ພ້ອມທັງຄົ້ນຄວ້າປຶກສາ ຫາລືທິດທາງ ແຜນການ ທີ່ຈະຕ້ອງໄດ້ປະຕິບັດ ໃນປີຕໍ່ຫນ້າ ແລະ ໃນຕອນເຊົ້າວັນທີ 13 ຕຸລາ 2009 ກອງປະຊຸມປະຈຳປີທົ່ວປະເທດ ວ່າດ້ວຍການ ກວດກາ, ຄວບຄຸມ, ສະກັດກັ້ນ ແລະ ຕ້ານຢາເສບຕິດກໍ່ໄດ້ປິດລົງ.
    Viewed: 323
  •  
ຂ່າວອື່ນໆ

Đánh giá

(Di chuột vào ngôi sao để chọn điểm)
  

ຂ່າວສານເອເລັກໂຕຼນິກ ກ່ຽວກັບສາມຫຼ່ຽມພັດທະນາ ລາວ-ຫວຽດາມ-ກຳປູເຈຍ
ລິຂະສິດຂອງ­­­­
ທີ່ຢູ່: ເລກທີ 01004, 23 Singha Road, Vientiane Capital, Lao PDR, ນະຄອນຫລວງວຽງຈັນ • ໂທລະສັບ:(856-21)415479; 454218 • Fax: +856 21 414009 • Email: ict@mofa.gov.la