Skip Ribbon Commands
Skip to main content



Date 01/08/2017-15:00:00 PM
ກອງປະຊຸມປຶກສາຫາລື ແລະ ຜັນຂະຫຍາຍຜົນຂອງກອງປະຊຸມສຸດຍອດ ຂອບການຮ່ວມມືພາກພື້ນ

ໃນວັນທີ 21 ເມສາ 2017, ກະຊວງການຕ່າງປະເທດ, ໄດ້ຈັດກອງປະຊຸມປຶກສາຫາລື ແລະ ຜັນຂະຫຍາຍຜົນຂອງ 3 ກອງປະຊຸມສຸດຍອດຂອບການຮ່ວມມືອະນຸພາກພື້ນ (CLV, CLMV ແລະ ACMECS) ທີ່ ຫ້ອງປະຊຸມ ຂອງ ກະຊວງການຕ່າງປະເທດ ພາຍໃຕ້ການເປັນປະທານຂອງ ທ່ານ ສົງການ ຫຼວງມຸນິນທອນ, ຫົວໜ້າກົມເສດຖະກິດ, ກະຊວງການຕ່າງປະເທດ ໂດຍການໃຫ້ກຽດຂື້ນກ່າວເປີດກອງປະຊຸມຂອງ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ຊຶ່ງມີຜູ້ເຂົ້າຮ່ວມຈາກ ບັນດາກະຊວງຂະແໜງການທີ່ກ່ຽວຂ້ອງອ້ອມຂ້າງສູນກາງ ຈໍານວນກວ່າ 40 ທ່ານ.
ກອງປະຊຸມໄດ້ປຶກສາຫາລື ເພື່ອແລກປ່ຽນຄໍາຄິດເຫັນ ແລະ ສະເໜີທິດທາງຜັນຂະຫຍາຍຜົນ 3 ກອງປະຊຸມສຸດຍອດຂອບການຮ່ວມມືພາກພື້ນທີ່ໄດ້ຈັດຂື້ນໃນປີ 2016 ທີ່ຜ່ານມາ ເປັນຕົ້ນ:ກອງປະຊຸມສຸດຍອດ ກໍາປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 8 ແລະ ກອງປະຊຸມສຸດຍອດຂອບ​ການ​ຮ່ວມ​ມືຍຸດທະສາດການຮ່ວມມືດ້ານເສດຖະກິດ ແມ່ນ້ຳອີຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS) ຄັ້ງທີ 7 ທີ່ຈັດຂື້ນໃນທ້າຍເດືອນຕຸລາ 2016 ທີ່ ຮ່າໂນ້ຍ, ສສ.​ຫວຽດນາມ ແລະກອງ​ປະຊຸມ​ສຸດ​ຍອດ​ເຂດ​ສາມຫລ່ຽມ​ພັດທະນາ ກຳປູເຈຍ-ລາວ-ຫວຽດນາມ (CLV) ຄັ້ງທີ 9 ທີ່ ໄດ້ຈັດຂື້ນໃນທ້າຍເດືອນ ພະຈິກ 2016 ທີ່ ສຽມລຽບ, ກໍາປູເຈຍ ທີ່ຜ່ານມາ ໂດຍແນໃສ່ສົ່ງເສີມການພັດທະນາ ແລະ ປະສານງານຮ່ວມມືໃນການຈັດຕັ້ງປະຕິບັດວຽກງານດັ່ງກ່າວ ໃຫ້ມີຄວາມເຂັ້ມແຂງຮອບດ້ານ ແລະ ມີການພັດທະນາທີ່ຍືນຍົງ.ນອກນີ້, ກອງປະຊຸມ ໄດ້ພ້ອມກັນທົບທວນຄືນ ກ່ຽວກັບບັນດາຂໍ້ສະດວກ, ຂໍ້ຫຍຸ້ງຍາກ ແລະ ສິ່ງທ້າຍທາຍຕ່າງໆທີ່ເປັນອຸປະສັກຕໍ່ການຈັດຕັ້ງປະຕິບັດວຽກງານ ໃນໄລຍະຜ່ານມາ ຂອງ 3 ຂອບການຮ່ວມມືດັ່ງກ່າວ ເພື່ອເປັນບ່ອນອີງໃນການວາງນະໂຍບາຍ ແລະ ກໍານົດທິດທາງການຮ່ວມມືໃນຕໍ່ໜ້າ.
ກອງປະຊຸມປຶກສາຫາລືໃນຄັ້ງນີ້ ແມ່ນມີຄວາມໝາຍຄວາມສຳຄັນຍິ່ງຕໍ່ການຈັດຕັ້ງປະຕິບັດວຽກງານຂອງບັນດາກະຊວງ ແລະ ຂະແໜງການກ່ຽວຂ້ອງ ຂອງ ສປປ ລາວ ເພາະ​ເປັນ​ເວທີສໍາຄັນອັນໜຶ່ງທີ່ເປີດໂອກາດ​ໃຫ້​ບັນດາ​ຂະແໜງການກ່ຽວຂ້ອງທີ່ເປັນຜູ້ຮັບຜິດຊອບ ແລະ ຈັດຕັ້ງປະຕິບັດວຽກງານດັ່ງກ່າວ ໄດ້ປຶກສາຫາລື ແລະ ແລກປ່ຽນຄຳຄິດຄຳເຫັນນໍາກັນ ໂດຍແນ່ໃສ່ແກ້ໄຂບັນດາຂໍ້ຄົງຄ້າງ ແລະ ກໍານົດທິດທາງການຈັດຕັ້ງປະຕິບັດໃນຕໍ່ໜ້າ ຂອງ 3 ຂອບການຮ່ວມມືດັ່ງກ່າວ ໃຫ້ມີປະສິດທິຜົນຂື້ນກ່ວາເກົ່າ ແລະ ນໍາເອົາຜົນປະໂຫຍດສຸງສຸດມາໃຫ້ແກ່ ສປປ ລາວ​.

www.mofa.gov.la

    Viewed: 285
  •  

Đánh giá

(Di chuột vào ngôi sao để chọn điểm)
  

ຂ່າວສານເອເລັກໂຕຼນິກ ກ່ຽວກັບສາມຫຼ່ຽມພັດທະນາ ລາວ-ຫວຽດາມ-ກຳປູເຈຍ
ລິຂະສິດຂອງ­­­­
ທີ່ຢູ່: ເລກທີ 01004, 23 Singha Road, Vientiane Capital, Lao PDR, ນະຄອນຫລວງວຽງຈັນ • ໂທລະສັບ:(856-21)415479; 454218 • Fax: +856 21 414009 • Email: ict@mofa.gov.la