Skip Ribbon Commands
Skip to main content



Date 07/12/2009-10:39:00 AM
ແຂວງຫົວພັນ ຈັດງານເທສະການ ຜະລິດຕະພັນ ໄຫມມ້ອນຄັ້ງທີ I
ກາງເດືອນຕຸລາ 2009 ນີ້, ແຂວງຫົວພັນ ໄດ້ຈັດງານເທສະການ ຜະລິດຕະພັນໄຫມ ມ້ອນທົ່ວແຂວງຄັ້ງທີ I ຂຶ້ນ ໂດຍການເຂົ້າຮ່ວມ ມີທ່ານ ດຣ. ພັນຄຳ ວິພາວັນ ເຈົ້າແຂວງໆ ຫົວພັນ

ເຊິ່ງມີບັນດາທ່ານການ ນຳແຂວງ, ການນຳ ເມືອງ, ຫົວຫນ້າ, ຮອງຫົວຫນ້າພະແນກ ການອ້ອມຂ້າງແຂວງ, ຜູ້ຕາງຫນ້າພະແນກອຸດສາຫະກຳການ ຄ້າແຂວງ ຊຽງຂວາງ,ອຸດົມໄຊ ຕະຫລອດເຖິງປະຊາຊົນບັນດາເຜົ່າອ້ອມຂ້າງເທສະບານແຂວງຫົວພັນ ເຂົ້າຮ່ວມນຳ. ໃນພິທີ ທ່ານ ນາງ ດຣ. ບົວຄຳ ທິບພະວົງ ຫົວຫນ້າພະແນກອຸດສາຫະກຳການຄ້າ ແຂວງຫົວພັນໄດ້ຂຶ້ນລາຍງານ ສະພາບ ແລະ ຄວາມເປັນມາ ຂອງຜ້າໄຫມມ້ອນຢູ່ແຂວງຫົວພັນ ທີ່ປະກອບດ້ວຍຫລາຍຮູບ ຫລາຍສີ, ລວດລາຍແຕກຕ່າງ ກັນເຊັ່ນ: ຜ້າໄຫມມ້ອນ, ຕໍ່າຮູບພະເຈົ້າ, ຮູບດອກໄມ້, ສິ້ນ ຮູບຊ້າງນາງນີ, ຮູບນາກ, ຮູບນົກ, ຮູບໂຕກວາງ, ຮູບໂຕ ຟານ ແລະ ອື່ນໆ. ມັນໄດ້ກາຍ ເປັນຄຸນສົມບັດທາງວັດທະນະ ທຳອັນອຸດົມຮັ່ງມີ. ທ່ານຍັງກ່າວອີກວ່າ: ແມ່ຍິງແຂວງ ຫົວພັນ ນອກຈາກການນຸ່ງຖືທີ່ເປັນ ເອກະລັກສະເພາະຂອງຕົນ ແລ້ວຈິ່ງຖືເອົາການຕໍ່າຫູກທໍໄຫມ ເປັນເສດຖະກິດ ຄອບຄົວ ແກ້ໄຂຊີວິດການເປັນຢູ່. ນອກຈາກນັ້ນກໍ່ໄດ້ນຳເອົາເຄື່ອງຜະລິດຕະພັນໄຫມມ້ອນເຂົ້າຮ່ວມ ປະກວດ ແລະ ບໍລິການຂາຍຢູ່ພາຍໃນ ແລະ ຕ່າງປະເທດ ເຮັດໃຫ້ກຸ່ມຫັດຖະກຳຫົວພັນ ຍາດໄດ້ຫລາຍລາງວັນດີເລີດ ຫລາຍຄັ້ງ ການຈັດງານເທສະການຜະລິດຕະພັນໄຫມມ້ອນຄັ້ງນີ້ ແມ່ນເປັນການຢັ້ງຢືນເຖິງມາດຖານ, ລິຂະສິດ, ແຫລ່ງຕົ້ນກຳ ເນີດຜະລິດຕະພັນ, ຜ້າລາຍຂິດທີ່ເປັນເອກະລັກ, ສີມືອັນປານີດ, ດ້ວຍສີທຳມະຊາດ. ເຫັນໄດ້ຫົວຄິດປະດິດສ້າງ, ຄວາມມານະອົດທົນຂອງຊ່າງ ຫັດຖະກຳຊາວແຂວງຫົວພັນ, ອີກອັນຫນຶ່ງເປັນການປົກປ້ອງ ຊັບສິນທາງປັນຍາ ແລະ ເສີມຂະຫຍາຍມູນເຊື້ອ, ຜົນງານອັນດີເດັ່ນທີ່ຍາດມາໄດ້ໃນຊຸມປີຜ່ານມາ.

    Viewed: 574
  •  

Đánh giá

(Di chuột vào ngôi sao để chọn điểm)
  

ຂ່າວສານເອເລັກໂຕຼນິກ ກ່ຽວກັບສາມຫຼ່ຽມພັດທະນາ ລາວ-ຫວຽດາມ-ກຳປູເຈຍ
ລິຂະສິດຂອງ­­­­
ທີ່ຢູ່: ເລກທີ 01004, 23 Singha Road, Vientiane Capital, Lao PDR, ນະຄອນຫລວງວຽງຈັນ • ໂທລະສັບ:(856-21)415479; 454218 • Fax: +856 21 414009 • Email: ict@mofa.gov.la