Skip Ribbon Commands
Skip to main content



Date 01/02/2010-14:27:00 PM
ຜູ້ປະຈຳການລັດຖະບານ ຕ້ອນຮັບຄະນະຜູ້ແທນໄທ
ວັນທີ 29 ມັງກອນ 2010 ທີ່ສຳນັກງານນາຍົກລັດຖະມົນຕີ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ປະຈຳການລັດຖະບານ ໄດ້ ຕ້ອນຮັບການເຂົ້າຢ້ຽມຂ່ຳນັບຂອງທ່ານ ປະສົງ ເລີດລັດຕະນະວິສຸດ ປະທານສະມາຄົມນັກຂ່າວນັກໜັງສືພິມແຫ່ງລາຊະອານາຈັກໄທ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ຜູ້ປະຈຳການລັດຖະບານ ຕ້ອນຮັບຄະນະຜູ້ແທນໄທ

ວັນທີ 29 ມັງກອນ 2010 ທີ່ສຳນັກງານນາຍົກລັດຖະມົນຕີ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ປະຈຳການລັດຖະບານ ໄດ້ ຕ້ອນຮັບການເຂົ້າຢ້ຽມຂ່ຳນັບຂອງທ່ານ ປະສົງ ເລີດລັດຕະນະວິສຸດ ປະທານສະມາຄົມນັກຂ່າວນັກໜັງສືພິມແຫ່ງລາຊະອານາຈັກໄທ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ໂອກາດດັ່ງກ່າວນີ້ ທ່ານຮອງນາຍົກລັດຖະມົນຕີ ໄດ້ໃຫ້ການຕ້ອນຮັບ ແລະ ຊົມເຊີຍຕໍ່ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງ ຄະນະຜູ້ແທນດັ່ງກ່າວ ພ້ອມນີ້ທ່ານຍັງໄດ້ຊຸກຍູ້ໃຫ້ສອງສະມາຄົມນັກຂ່າວ ແຫ່ງ ສປປ ລາວ ແລະ ສະມາຄົມນັກຂ່າວນັກໜັງສືພິມ ແຫ່ງ ປະເທດໄທ ສືບຕໍ່ການຮ່ວມມືກັນໃຫ້ນັບມື້ຫຼາຍຂຶ້ນ ແລະ ມີບາດກ້າວອັນໃໝ່ ເພື່ອເຮັດແນວໃດໃຫ້ວົງການສື່ມວນຊົນຂອງສອງປະເທດ ລາວ ແລະ ໄທ ໄດ້ຮັບການ ພັດທະນາດ້ານຕ່າງໆ ການຮ່ວມມືຕ້ອງມີການຢ້ຽມຢາມແລກປ່ຽນຖອດຖອນບົດຮຽນເຊິ່ງກັນ ແລະ ກັນ.

ພ້ອມນີ້ຕອນທ້າຍທ່ານປະທານສະມາຄົມນັກຂ່າວນັກໜັງສືພິມ ແຫ່ງ ປະເທດໄທ ຍັງໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງທ່ານຮອງ ນາຍົກລັດຖະມົນຕີ ແລະ ແຈ້ງໃຫ້ຮູ້ຜົນການຮ່ວມມືຂອງສອງສະມາຄົມໃນໄລຍະຜ່ານມາ ແລະ ແຜນຮ່ວມມືກັນໃນຕໍ່ໜ້າ ແລະ ການຄຸ້ມຄອງການເຄື່ອນ ໄຫວຂອງສື່ມວນຊົນ ນັກສື່ພິມຂອງປະເທດໄທ.

ຂ່າວແຈ້ງໃຫ້ຮູ້ຕື່ມອີກ: ໃນວັນດຽວກັນ ຄະນະສະມາຄົມນັກຂ່າວ ແຫ່ງ ສປປ ລາວ ນຳໂດຍທ່ານ ສົມສະໝຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ ລາວ ຍັງໄດ້ພົບປະກັບຄະນະຜູ້ແທນສະມາຄົມນັກຂ່າວນັກໜັງສືພິມ ແຫ່ງ ປະເທດໄທ ທີ່ຫ້ອງປະຊຸມສະມາຄົມນັກຂ່າວ ແຫ່ງ ສປປ ລາວ ໃນໂອກາດທີ່ຄະນະຜູ້ແທນດັ່ງກ່າວມາຢ້ຽມຢາມ ສປປ ລາວ.

    Viewed: 338
  •  

Đánh giá

(Di chuột vào ngôi sao để chọn điểm)
  

ຂ່າວສານເອເລັກໂຕຼນິກ ກ່ຽວກັບສາມຫຼ່ຽມພັດທະນາ ລາວ-ຫວຽດາມ-ກຳປູເຈຍ
ລິຂະສິດຂອງ­­­­
ທີ່ຢູ່: ເລກທີ 01004, 23 Singha Road, Vientiane Capital, Lao PDR, ນະຄອນຫລວງວຽງຈັນ • ໂທລະສັບ:(856-21)415479; 454218 • Fax: +856 21 414009 • Email: ict@mofa.gov.la