1. ການແກ້ໄຂແຫຼ່ງທຶນ
ຈຸດພິເສດທີ່ພົ້ນເດັ່ນຂອງເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ແມ່ນການຂາດແຄນທາງ ດ້ານໂຄງສ້າງໂຄງລ່າງ ເສດຖະກິດ -ສັງຄົມ ແລະການຄ້າ.
ອັດຕາສ່ວນຂອງພົນລະເມືອງທີ່ດຳລົງຊີວິດດ້ວຍກະສິກຳສູງ, ມີຫຼາຍບ່ອນກໍ່ຍັງຮັກສາວິທີການຜະລິດ ແບບ ກຸ້ມຕົນເອງພໍພຽງ, ການຜະລິດສິນຄ້າຍັງບໍ່ທັນໄດ້ຮັບການພັດທະນາ, ສະນັ້ນແຫຼ່ງທຶນຂອງປະຊາຊົນບໍ່ມີຫຼາຍ. ວິສາຫະກິດເອກະຊົນມີຈຳນວນໜ້ອຍ, ຕົ້ນຕໍແມ່ນຢູ່ໃນລະດັບຂະໜາດນ້ອຍ ແລະ ປານກາງ.
ໃນສາມຫຼ່ຽມພັດທະນາ, ບັນດາໂຄງການຕ່າງປະເທດ (ODA ແລະ FDI) ຍັງຈຳກັດດ້ານປະລິມານ ແລະ ຂະໜາດ ຍ້ອນຫຼາຍສາຍເຫດ; ODA ຕົ້ນຕໍແມ່ນໂຄງການຫຼຸດຜ່ອນຄວາມທຸກຍາກ ແລະ ການເຄື່ອນໄຫວດ້ານສິ່ງແວດລ້ອມຈຳນວນໜຶ່ງ; FDI ຍັງບໍ່ທັນມີສະພາບແວດລ້ອມທີ່ເອື້ອອຳນວຍເພື່ອດຶງດູດການລົງທຶນ.
ອິງໃສ່ຄວາມເປັນຈິງຂ້າງເທິງໄດ້ຊີ້ໃຫ້ເຫັນວ່າ, ການແກ້ໄຂທຶນແກ່ການລົງທຶນແມ່ນສຸດທີ່ສຳຄັນ, ແມ່ນການຕັດສິນແຫ່ງການກຳເນີດ,ຜົນສຳເລັດແລະ ການພັດທະນາທີ່ວ່ອງໄວ ຫຼື ຫຼ້າຊ້າຂອງສາມຫຼ່ຽມພັດທະນາ. ກ່ອນອື່ນໝົດຕ້ອງ:
- ລະດົມຫຼາຍແຫຼ່ງທຶນລວມສູນເຂົ້າໃນຂົງເຂດໂຄງລ່າງທີ່ສຳຄັນເພື່ອພັດທະນາຂະແໜງການຕ່າງໆຄື ຄົມມະນາຄົມ, ຊົນລະປະທານ, ໄຟຟ້າ... ທີ່ປີ່ນອ້ອມບັນດາແຜນງານ, ໂຄງການດັ່ງກ່າວ ແລະ ຍົກສູງຄວາມຮັບຜິດ ຊອບໃນການຄຸ້ມຄອງ ແລະ ນຳໃຊ້ຢ່າງມີປະສິດທິຜົນຂອງທຸກໆແຫຼ່ງທຶນ.
- ເພີ່ມບັນດາແຫຼ່ງທຶນ ໃຫ້ແກ່ແຜນງານການຫຼຸດຜ່ອນຄວາມທຸກຍາກ, ແຜນງານການແກ້ໄຂວຽກເຮັດງານທຳຢູ່ຂົງເຂດຊົນນະບົດ, ເປັນຕົ້ນແມ່ນບັນດາຄອບຄົວຊົນເຜົ່າສ່ວນນ້ອຍທີ່ທຸກຍາກ,ໃຫ້ກູ້ຢືມທຶນເພື່ອທຳການຜະລິດ.
- ສົ່ງເສີມບັນດາພາກສ່ວນເສດຖະກິດເຊັນສັນຍາຮັບຊື້ແລະຈຳໜ່າຍຜະລິດຕະພັນກັບຊາວນາ, ເຮັດການບໍລິການດ້ານທຶນ, ວັດສະດຸຮັບໃຊ້ການຜະລິດ,ຕ້ອງສ້າງແບບແຜນທາງດ້ານການຈັດຕັ້ງ, ການຜະລິດວັດຖຸດິບ-ການປຸງແຕ່ງ-ຈຳໜ່າຍ ໃນຂະບວນການຜະລິດສິນຄ້ານຕາມກົນໄກເສດຖະກິດຕະຫຼາດທີ່ເປັນ ເອກະພາບ.
- ສົ່ງເສີມບັນດາຮູບການຂົນຂວາຍແຫຼ່ງທຶນຈາກປະຊາຊົນ, ທຶນຈາກບັນດາວິສາຫະກິດ ເພື່ອລົງທຶນເພີ່ມກຳລັງໃນກາຜະລິດ, ລົງທຶນພັດທະນາບັນດາວິສາຫະກິດຂະໜາດນ້ອຍ ແລະ ກາງ ແລະ ກຸ່ມການຮ່ວມມື, ກຸ່ມນິຄົມກະເສດ ແລະ ກຸ່ມເສດຖະກິດຂອງຄອບຄົວ.
- ແຫຼ່ງທຶນປະກອບຂອງສາມປະເທດ:
ຕໍ່ກັບການເຄື່ອໄຫວ ທີ່ຢູ່ໃນໄລຍະເລີ່ມຕົ້ນຂອງສາມຫຼ່ຽມພັດທະນາ ແຫຼ່ງທຶນທີ່ປະກອບສ່ວນຂອງລັດຖະບານ ສາມປະເທດແມ່ນສຸດທີ່ສຳຄັນ, ພິເສດແມ່ນໃຫ້ແກ່ວຽກງານຍົກລະດັບໂຄງສ້າງໂຄງລ່າງ ເສດຖະກິດ - ສັງຄົມ. ມາຮອດປະຈຸບັນ ຫວຽດນາມ ແລະ ລາວ ໄດ້ມີການຮ່ວມມືກັນກໍ່ສ້າງເສັ້ນທາງຫຼວງເລກທີ 18B ທີ່ຕິດກັບສຳນັກຫ້ອງວ່າການແຂວງ ຂອງແຂວງອັດຕະປື (ລາວ) ເຖິງຊາຍແດນ ຫວຽດ - ລາວ, ເຊື່ອມຕໍ່ກັບເສັ້ນທາງຫຼວງເລກທີ 40 ຂອງ ຫວຽດນາມ; ຫວຽດນາມ ແລະ ກຳປູເຈຍ ກໍ່ພວມກຳລັງຜັນຂະຫຍາຍການເຄື່ອນໄຫວ ຍົກລະດັບເສັ້ນທາງຫຼວງເລກທີ 78 ເຊື່ອມຕໍ່ກັບສຳນັກງານຫ້ອງວ່າການແຂວງ ຣັດຕະນາກິຣິ ເຖິງຊາຍແດນຫວຽດນາມ-ກຳປູເຈຍ. ນີ້ແມ່ນວຽກງານທີ່ສຳຄັນທີ່ສຸດໃນການສ້າງໃຫ້ມີເສັ້ນທາງຄົມມະນາຄົມເຊື່ອມຕໍ່ກັບບັນດາທ້ອງຖິ່ນ ຕາມ ທິດຕາເວັນອອກ-ຕາເວັນຕົກ. ໃນຂະບວນແຫ່ງການພັດທະນາຂັ້ນຕໍ່ໄປນັ້ນຍັງມີຫຼາຍກິດຈະການກໍ່ສ້າງ ໂຄງລ່າງພື້ນຖານອື່ນໆ ທີ່ຈຳເປັນໃນການຮ່ວມມືພັດທະນາສອງຝ່າຍ ຫຼື ຫຼາຍຝ່າຍ ໂດຍອີງໃສ່ຄວາມຕ້ອງການຂອງແຕ່ ລະຝ່າຍ. ແຕ່ວ່າເນື່ອງຈາກວ່າຄວາມສາມາດ ທາງດ້ານແຫຼ່ງທຶນຈາກງົບປະມານຂອງສາມປະເທດ ມີຈຳກັດ, ການລົງທຶນໃສ່ໃນບັນດາກິດຈະການກໍ່ສ້າງທີ່ໃຫຍ່ຈະໄດ້ມີການພິຈາລະນາອີກຫຼາຍຂັ້ນຕອນ. ໃນເມື່ອມີໂຄງລ່າງພື້ນຖານທີ່ພຽງພໍໃນລະດັບໜຶ່ງໃຫ້ແກ່ການເຄື່ອນໄຫວຜະລິດທຸລະກິດ,ເຂດສາມຫຼ່ຽມພັດທະນາຈະມີລາຍຮັບຈາກການເກັບພາສີ ແລະ ຄ່າທຳນຽມຕ່າງໆຊຶ່ງສາມາດຍົກລະດັບໂຄງລ່າງດັ່ງກ່າວໃຫ້ດີຂຶ້ນຕາມລຳດັບ. ຄຽງຄູ່ກັບ ວຽກງານລົງທຶນສ້າງໂຄງລ່າງພື້ນຖານຮັບໃຊ້ແກ່ເປົ້າໝາຍກາຮ່ວມມື, ກະໂຕຂອງບັນດາແຂວງເອງໃນສາມຫຼ່ຽມ ພັດທະນາ ກໍ່ຕ້ອງໄດ້ລົງທຶນຍົກລະດັບໂຄງລ່າງພື້ນຖານພາຍໃນແຂວງຂອງຕົນເພື່ອສ້າງເງື່ອນໄຂໃຫ້ສະດວກ ໃນການພັດທະນາເສດຖະກິດ-ສັງຄົມຂອງທ້ອງຖິ່ນ, ບັນດາຮູບກາລົງທຶນນີ້ທັງເປັນການຮັບໃຊ້ໃຫ້ແກ່ເປົ້າໝາຍສະ ເພາະຂອງແຕ່ລະປະເທດ, ທັງເປັນການຮັບໃຊ້ເປົ້າໝາຍຂອງການຮ່ວມມືລວມ ລະຫວ່າງບັນດາແຂວງພາຍໃນເຂດ.
- ລະດົມແຫຼ່ງທຶນ ODA: ທັງສາມປະເທດກຳປູເຈຍ, ລາວແລະຫວຽດນາມມີເປົ້າໝາຍຂົນຂວາຍ ແລະຮັບເອົາແຫຼ່ງທຶນສະໜັບສະໜູນຢ່າງເປັນທາງການຂອງບັນດາອົງການຈັດຕັ້ງສາກົນ ແລະ ບັນດາຜູ້ສະໜັບ ສະໜູນຫຼັກແກ່ການພັດທະນາ ແລະ ການຫຼຸດຜ່ອນຄວາມທຸກຍາກ. ເຂດສາມຫຼ່ຽມພັດທະນາ ແມ່ນໜຶ່ງໃນບັນດາບໍລິເວນທີ່ເປັນບູລິມະສິດແກ່ບັນດາ ໂຄງການຫຼຸດຜ່ອນຄວາມທຸກຍາກຂອງທັງສາມປະເທດ.
ໂດຍລວມແລ້ວຢູ່ໃນຂົງເຂດບັນດາປະເທດ ASEAN, ທະນາຄານພັດທະນາອາຊີ (ADB)ຊຶ່ງອົງການ ການເງິນທີ່ເອົາໃຈໃສ່ເຖິງວຽກງານສ້າງຕັ້ງບັນດາສາມຫຼ່ຽມພັດທະນາ, ໃຫ້ບັນດາປະເທດກູ້ຢືມທຶນສະໜັບສະໜູນໃນວຽກ ງານທີ່ລະອຽດອ່ອນ (ຄົ້ນຄ້ວາວາງແຜນການ, ຄົ້ນຄ້ວາຄວາມອາດສາມາດເປັນໄປໄດ້...)ແລະ ກິດຈະການກໍ່ສ້າງ(ກໍ່ສ້າງໂຄງລ່າງເສດຖະກິດເຕັກນິກ...) ໃນສາມຫຼ່ຽມພັດທະນາ. ໃນກອບຂອງການຮ່ວມມືເຂດລູ່ມແມ່ນ້ຳຂອງ ເປີດກ້ວາງ (GSM), ບັນດາໂຄງການ ADB ກໍ່ໄດ້ຮັບການຜັນຂະຫຍາຍຕາມຊ່ອງແລວທາງ, ສະໜັບສະໜູນ ການພັດທະນາໂຄງລ່າງພື້ນຖານແລະ ຫຼຸດຜ່ອນຄວາມທຸກຍາກ. ສົມທຽບກັບສອງເຈດຈຳນົງຂ້າງເທິງຂອງ ADB,ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ໄດຮັບຜົນປະໂຫຍດເປັນບູລິມະສິດ ໃນການຮັບເອົາບັນ ດາໂຄງການຢູ່ໃນຂອບເຂດຂອງບັນດາແຂວງ ພາຍໃນສາມຫຼ່ຽມທີ່ມີສອງແລວ ທາງຕາມທິດ “ຕາເວັນອອກ - ຕາເວັນຕົກ” ຈະໄດ້ກໍ່ຮ່າງສ້າງຕົວຂຶ້ນ. ໃນຊ່ວງໄລຍະເວລາໃກ້ໆນີ້, ຍີ່ປຸ່ນກໍ່ສັນຍາວ່າຈະມອບ 1,5 ຕື້ USD ໃຫ້ແກ່ການລົງທຶນດ້ານໂຄງລ່າງຂອງສາມປະເທດ ຫວຽດນາມ - ລາວ - ກຳປູເຈຍ ທີ່ນອນຢູ່ໃນເຂດ ໄດ້ຮັບການພິຈາ ລະນານຳໃຊ້ກ້ອນທຶນດັ່ງກ່າວນີ້.