1.ວິທີທາງລວມການຮ່ວມມືພັດທະນາຂອງຂອບເຂດສາມຫຼ່ຽມຊາຍແດນທັງສາມປະເທດກຳປູເຈຍ-
ລາວ-ຫວຽດນາມ
ວິທີທາງການຮ່ວມມືພັດທະນາລະຫວ່າງບັນດາແຂວງເຂດຊາຍແດນຂອງສາມປະເທດ ກຳປູເຈຍ-ລາວ-ຫວຽດນາມ ບົນພື້ນຖານການຮ່ວມມື, ຊຸກຍູ້ ແລະ ພົວພັນເສດຖະກິດເອກະພາບອາດສາມາດປະກົດຜົນເປັນ ຈິງໃນແຕ່ລະດ້ານຄື:
- ຄົ້ນຄ້ວາສຳຫຼວດຂັ້ນພື້ນຖານ, ປະຕິບັດງານແບບແຜນລວມພັດທະນາບັນດາຂະແໜງການ, ບັນດາ ແຂວງໃນຂອບເຂດຊາຍແດນສາມປະເທດ;
- ຮ່ວມມືໃນການພັດທະນາລະບົບໂຄງລ່າງພື້ນຖານ:ເຊື່ອມຕໍ່ຕາໜ່າງເສັ້ນທາງລະຫວ່າງ ແຂວງກັບແຂວງທີ່ ຢູ່ອ້ອມຂ້າງ ແລະ ກັບເຂດອື່ນໆຂອງແຕ່ລະປະເທດ; ພັດທະນາເຂື່ອນໄຟຟ້າຂະໜາດກາງ ແລະ ນ້ອຍ; ກໍ່ສ້າງ ລະບົບສາຍສົ່ງໄຟຟ້າເປັນເອກະພາບກັນ; ນຳໃຊ້ຍອດຫ້ວຍໃຫ້ເປັນປະໂຫຽດ.ລະບົບຄົມມະນາຄົມສື່ສານໄປສະນີ ເບື້ອງຕົ້ນຕ້ອງຮັບປະກັນການຕິດຕໍ່ສົ່ງຂ່າວສານ ລະຫວ່າງເທດສະບານເຂດຊາຍແດນກັບຈຸດໃຈກາງຂອງແຕ່ລະ ແຂວງ ແລະ ເຄື່ອນໄຫວສະມັກຄີລະຫວ່າງ ບັນດາແຂວງໃນບໍລິເວນ. ກ່ອນອື່ນໝົດຕ້ອງການສະໜັບສະໜູນ ພັດທະນາລະບົບຂໍ້ມູນຂ່າວສານຂອງຊາດຮອດແຕ່ລະດ່ານຊາຍແດນ, ທຸກໆກຸ່ມເທດສະບານຊາຍແດນຮັບປະກັນການ ຕິດຕໍ່ພົວພັນໃຫ້ໄດ້ຕະຫຼອດ. ສົ່ງໜັງສືພິມ, ໂທລະເລກ, ທັນເວລາເພື່ອຮັບໃຊ້ເຂົ້າໃນການພັດທະນາ ເສດຖະກິດ - ສັງຄົມຂອງເຂດ.
- ຮ່ວມມືພັດທະນາການສຶກສາທົ່ວໄປ ແລະ ອົບຮົມການນຳໃຊ້ເຕັກນິກວິຊາການ. ນອກຈາກການຮ່ວມມື ພັດທະນາຂອງບັນດາກະຊວງຂະແໜງການສູນກາງກ່ຽວກັບການສຶກສາອົບຮົມສຸດຄວາມສາມາດຂອງຕົນເອງແລ້ວ, ບັນດາແຂວງເຕີຍງວຽນອາດຈະສ້າງເງື່ອນໄຂຊ່ວຍເຫຼືອສ້າງພະນັກງານ ຂອງເພື່ອນບ້ານໃຫ້ມີຄວາມຮູ້ຄວາມ ສາມາດດ້ານເຕັກນິກວິທະຍາສາດ, ອົບຮົມພະນັກງານຄຸ້ມຄອງ, ກຳມະກອນໃຫ້ມີວິຊາຊີບທີ່ແນ່ນອນໃນການປະຕິບັດໜ້າທີ່ໃນບັນດາພື້ນຖານການຜະລິດທຸລະກິດຢູ່ກະໂຕທ້ອງຖິ່ນ. ຮັບໃຊ້ໃຫ້ໜ້າທີ່ວຽກງານພັດທະນາ ເສດຖະກິດ-ສັງຄົມ ຂອງແຂວງຕົນເອງ, ກ່ອນອື່ນໝົດແມ່ນຮັບໃຊ້ໃຫ້ບັນດາໂຄງການພັດທະນາເສດຖະກິດສັງຄົມ.
-ແລກປ່ຽນປະສົບການດ້ານການຜະລິດກະສິກຳ, ພິເສດແມ່ນກະເສດສຸມໃນການປູກບັນດາຕົ້ນໄມ້ອຸດສາຫະ ກຳໄລຍະຍາວ, ທຸລະກິດຂອງ ຫວຽດນາມ ມີຫຼາຍເງື່ອນໄຂສະດວກເພື່ອເຂົ້າຮ່ວມໃນການຮ່ວມມືການຜະລິດ, ປຸງແຕ່ງ ແລະ ການສົ່ງອອກເຄື່ອງກະສິກຳ ດ້ວຍຫຼາຍຮູບການ ເຊັ່ນ: ວິສາຫະກິດ,ສຳປະທານດິນຜະລິດ, ຫຼື ຮ່ວມມືຖ່າຍຖອດຄວາມຮູ້ດ້ານວິທະຍາສາດເຕັກນິກພັດທະນາບັນດາຕົ້ນໄມ້ທີ່ມີທ່າແຮງໃນການຜະລິດເປັນສິນຄ້າເຊັ່ນຢາງພາລາ, ໝາກໝ່ວງຫິມມະພານ, ກາເຟ, ນ້ຳອ້ອຍ ແລະ ບາງຊະນິດຕົ້ນໄມ້ໄລຍະສັ້ນອື່ນໆອີກ.
- ການລ້ຽງສັດກໍ່ແມ່ນຂະແໜງເສດຖະກິດໜື່ງອາດສາມາດພັດທະນາຢ່າງເຂັ້ມແຂງ, ສົມທົບກັບປະສົບການຂອງປະຊາຊົນຢູ່ທ້ອງຖິ່ນ ແລະ ວິທີການທີ່ກ້າວໜ້າໃນການລ້ຽງສັດສີ່ຕີນ... ເນື້ອທີ່ ທົ່ງຫຍ້າເພື່ອພັດທະນາການລ້ຽງສັດຍັງກ້ວາງຂວາງຫຼາຍ, ພິເສດແມ່ນການລ້ຽງສັດສີ່ຕີນຢູ່ຕາມປ່າດົງ.
- ຮ່ວມມືດຳເນີນທຸລະກິດດ້ານວິຊາການປ່າໄມ້ປະກອບມີ: ຂຸດຄົ້ນ, ປຸງແຕ່ງ, ປູກໃໝ່ຊຶ່ງຝ່າຍ ຫວຽດນາມ ມີ ປະສົບການຫຼາຍ, ຮ່ວມມືຂຸດຄົ້ນປ່າໄມ້ທີ່ມີໃນປະຈຸບັນໃນແຕ່ລະແຂວງຂອງເພື່ອນບ້ານດ້ວຍວິທີທີ່ດີສຸດ ຮັບປະກັນ ໃນການຟື້ນຟູປ່າ ແລະ ປອດໄພດ້ານສີ່ງແວດລ້ອມ. ຮ່ວມມືປ້ອງກັນສະພາບແວດລ້ອມຄືອຸດທິຍານແຫ່ງຊາດ, ປ້ອງກັນສັດທີ່ຫາຍາກ.
- ຊຸກຍູ້ການພັດທະນາການຄ້າທັງສອງດ້ານການຕະຫຼາດ ແລະ ການຜະລິດນຳໃຊ້, ຂຸດຄົ້ນທ່າແຮງບົ່ມຊ້ອນກະສິກຳ ແລະ ປ່າໄມ້ໃນຂອບເຂດສາມຫຼ່ຽມພັດທະນາ, ສຳຫຼວດກວດກາຄວາມສາມາດໃນການແລກປ່ຽນສິນຄ້າ, ການຄ້າລະຫວ່າງບັນດາແຂວງໃນຂົງເຂດ.
- ຊຸກຍູ້ພັດທະນາການທ່ອງທ່ຽວທາງດ້ານວັດທະນະທຳລະຫວ່າງບັນດາແຂວງໃນຂອບເຂດ ພ້ອມກັນຮ່ວມມື ຈັດຕັ້ງສາຍການທ່ອງທ່ຽວທຳມະຊາດດ້ວຍຫຼາຍຮູບຫຼາຍແບບເຊັ່ນ: ທ່ຽວຊົມບັນດາທັດສະນິຍະພາບ ຂອງເຂດປ່າ ທຳມະຊາດພ້ອມດ້ວຍບັນດາສັດນາໆຊະນິດ, ນ້ຳຕົກຕາດຫຼາຍແຫ່ງ, ແມ່ນ້ຳລຳເຊ...ຄຽງຄູ່ກັບສີ່ງປະທັບໃຈ ຂອງ ທຳມະຊາດອັນລ້ຳລຶກ, ຂອບເຂດຊາຍແດນ ຂອງທັງສາມປະເທດຍັງເປັນເຂດທ່ອງທ່ຽວດ້ານວັດທະນະທຳອັນເກົ່າ ແກ່ກັບບັນດາພື້ນຖານດ້ານວັດທະນະທຳອັນຍາວນານຂອງພໍ່ແມ່ປະຊາຊົນບັນດາເຜົ່າທີ່ ສະແດງໃຫ້ເຫັນຜ່ານບັນດາ ສິ່ງປຸກສ້າງ ເຄຫະສະຖານ, ເຮືອນຊານ, ສຸສານ ແລະ ງານບຸນປະເພນີຕ່າງໆ, ໝໍພື້ນເມືອງ ແລະ ເຄື່ອງດົນຕີ ...ເຖີງຢ່າງໃດກໍ່ຕາມ, ກ່ອນອື່ນແມ່ນຕ້ອງສຳຫຼວດອອກແບບສາຍການທ່ອງທ່ຽວ, ສົມທົບກັບບັນດາບໍລິສັດທ່ອງ ທ່ຽວທີ່ດຳເນີນມາກ່ອນແລ້ວຂອງທັງສາມປະເທດ ຢູ່ໃນຂົງເຂດແນໃສ່ເພີ່ມທະວີຂະແໜງທ່ອງທ່ຽວທີ່ໜ້າປະທັບໃຈ ຂອງສາຍການທ່ອງທ່ຽວ ແລະ ບໍລິການແບບໃໝ່.
ການເຄື່ອນໄຫວຮ່ວມມືພັດທະນາຜ່ານຫຼາຍຮູບຫຼາຍແບບນັບທັງຮ່ວມມືທຸລະກິດ, ຕິດຕໍ່ດຳເນີນການປະຕິບັດ ທີ່ມີຈຸດເປົ້າໝາຍທີ່ເໝາະສົມກັບແບບແຜນລວມຄຽງຄູ່ກັບການກໍ່ສ້າງບັນດາກົນໄກນະໂຍບາຍໃນການຊີ້ນຳຕົວຈິງ.