ການຄ້າ, ການບໍລິການ
- ທິດທາງແຜນການພັດທະນາລວມ.
ເພື່ອບັນລຸໃຫ້ໄດ້ເປົ້າໝາຍລວມທີ່ມີລັກສະນະຍາວນານທີ່ໄດ້ຍົກມາຄ້າງເທິງໃນໄລຍະຊຸມປີທີ່ຈະມາເຖິງ ກ່ອນອື່ນໝົດຕ້ອງຮ່ວມມືຜັນຂະຫຍາຍບາງໂຄງການໃຫ້ບັນດາແຂວງ ທີ່ຢູ່ໃນສາມຫຼຽມພັດທະນາໄດ້ຜ່ານພົ້ນໃນສະພາບ ດ້ວຍການພັດທະນາຄືປະຈຸບັນ, ແກ້ໄຂການດຳລົງຊີວິດຂອງປະຊາຊົນເທື່ອລະກ້າວ, ສັງຄົມມີຄວາມສະຫງົບສຸກ. ບັນດາໂຄງການຮ່ວມມືພັດທະນາໂດຍພື້ນຖານແມ່ນການຕົກລົງເຫັນດີເອກະພາບຂອງທັງສາມປະເທດ; ນະໂຍບາຍ ຂອບເຂດກ່ຽວກັບໂຄງຮ່າງດ້ານເສດຖະກິດ-ສັງຄົມ; ພັດທະນາກະສິກຳປ່າໄມ້; ທ່ອງທ່ຽວ, ການຄ້າ; ການສຶກສາ; ແລະ ມີລັກສະນະຄວາມເປັນໄປໄດ້ສູງ.
ສາມຫຼຽມພັດທະນາ ກຳປູເຈຍ - ລາວ - ຫວຽດນາມ ມີເງື່ອນໄຂສະດວກເພື່ອພັດທະນາ ເປັນຕົ້ນດ້ານທ່າ ແຮງບົ່ມຊ້ອນ. ບັນດາຂໍ້ຫຍຸ້ງຍາກທີ່ກີດຂວາງໃນການພັດທະນາແມ່ນພື້ນຖານໂຄງລ່າງຍັງອ່ອນຫຼາຍ. ຄວາມຮູ້ ຄວາມສາມາດຍັງຕ່ຳ, ຂາດທຶນຮອນ, ຍ້ອນວ່າມີຄວາມຫຍຸ້ງຍາກດ້ານເສັ້ນທາງ ຄົມມະນາຄົມຂົນສົ່ງ, ສະຖານທີ່ ດັ່ງກ່າວຍັງເປັນລັກສະນະໂດດດ່ຽວບໍ່ສາມາດຕິດຕໍ່ພົວພັນກັບຕະຫຼາດທາງນອກ,ດ້ານວິທະຍາສາດ, ແລະ ເຕັກນິກຍັງບໍ່ມີ. ຂອບເຂດຊາຍແດນແມ່ນບ່ອນດຳລົງຊີວິດຂອງປະຊາຊົນບັນດາຊົນເຜົ່າສ່ວນນ້ອຍ. ໃຊ້ຊີວິດແບບປູກຝັງ ລ້ຽງສັດຖາງປ່າເຮັດໄຮ່, ຖາງປ່າຊະຊາຍເຮັດໃຫ້ເນື້ອທີ່ປ່າຫລຸດນ້ອຍຖອຍລົງຢ່າງໄວວາ, ສົ່ງຜົນສະທ້ອນອັນໜັກ ໜ່ວງເຖິງສິ່ງແວດລ້ອມ.
ເສດຖະກິດສາມຫຼຽມພັດທະນາ ບໍ່ພຽງແຕ່ກະສິກຳຍັງບໍ່ໄດ້ຮັບການພັດທະນາເທົ່ານັ້ນ, ລະດັບການພັດທະນາ ລະຫວ່າງບັນດາແຂວງດ້ວຍກັນຍັງບໍ່ເທົ່າທຽມກັນ ເບິ່ງລວມແລ້ວຍັງຢູ່ໃນລະດັບຕ່ຳ. ບັນດາແຂວງ ເຕີຍງວຽນ ຂອງຫວຽດນາມ ລະດັບການພັດທະນາແມ່ນສູງກ່ວາ, ແຕ່ວ່າອັດຕາສ່ວນດ້ານກະສິກຳປ່າໄມ້ໃນ GDP ປີ 2002 ຍັງກວມປະມານ 63,5%, GDP ສະເລ່ຍໃສ່ຫົວຄົນບັນລຸໄດ້ພຽງ 215 USD ຕໍ່ຄົນ. ເວົ້າລວມແລ້ວໃນໄລຍະ ຊຸມປີຜ່ານມາສະແດງໃຫ້ເຫັນວ່າ ບັນດາແຂວງທີ່ນອນຢູ່ໃນເຂດສາມຫຼ່ຽມພັດທະນາ ອາດສາມາດພັດທະນາໄດ້ຖ້າ ໄດ້ຮັບການສະໜັບສະໜູນຈາກພາຍນອກ. ເພື່ອສ້າງພື້ນຖານເບື້ອງຕົ້ນຂອງການພັດທະນາ, ການສະໜັບສະໜູນ ນີ້ແມ່ນຕ້ອງຢູ່ໃນທຸກໄລຍະ, ເຖີງຂັ້ນເຮັດໃຫ້ບັນດາແຂວງທີ່ຢູ່ໃນເຂດສາມຫຼ່ຽມພັດທະນາລະດົມກຳລັງ ຂອງຕົນຕື່ມເພື່ອຮ່ວມມືສ້າງສາພັດທະນາ.
ໃນອະນາຄົດ, ທົ່ວເຂດມີຄວາມສະມາດພັດທະນາຢູ່ສອງດ້ານເຊີ່ງມີລັກສະນະໃຫ້ສອງທ່າອ່ຽງ: ບົ່ມຊ້ອນ ແລະ ພັດທະນາແຕກຕ່າງອອກໄປຈາກເດີມ. ທ່າອ່ຽງບົ່ມຊ້ອມໃຫ້ຕົງກັບສະພາບການຕົວ ຈິງຂອງບັນດາແຂວງໃນສາມຫຼ່ຽມພັດທະນາ ຕົ້ນຕໍແມ່ນອີງໃສ່ນະໂຍບາຍ ແລະ ກຳລັງແຮງຂອງແຕ່ລະປະເທດນັ້ນເອງ. ຕາມທ່າອ່ຽງນີ້, ຜະ ລິດຕະພັນລວມຂອງບັນດາແຂວງ ເຕີຍງວຽນ ຍັງກວມອັດຕາສ່ວນຫຼາຍໃນໄລຍະເວລາຍັງຍາວນານ, ພິຈາລະນາ ອັດຕາການເພີ່ມສະເລ່ຍຂອງທົ່ວສາມຫຼ່ຽມພັດທະນາ, ຕາມການຄາດກະເບື້ອງຕົ້ນແມ່ນປະມານກ່ວາ 8% ຕໍ່ປີ.
ໃນເງື່ອນໄຂແຜນການຮ່ວມມືພັດທະນາຂອງສາມປະເທດ ແມ່ນໄດ້ຮັບການປະຕິບັດຢ່າງເປັນທາງການ, ໄດ້ ສ້າງພື້ນຖານປັດໄຈທີ່ມີລັກສະນະຜັນປ່ຽນ, ການເພີ່ມທະວີການພັດທະນາສະເລ່ຍຂອງສາມຫຼ່ຽມພັດທະນາຈະສູງ ກ່ວາໝູ່ໝົດແມ່ນຈຸດເລີ້ມຕົ້ນຍັງຕ່ຳ. ເຖິງວ່າໃນໄລຍະປີທຳອິດລະດັບການເພີ່ມສະເລ່ຍລວມຂອງສາມຫຼ່ຽມພັດທະນາບໍ່ໄດ້ຫຼາຍປານໃດຖ້າທຽບໃສ່ລະດັບ 9%.
1. ແຜນການພັດທະນາແລະການປັບໂຄງຮ່າງເສດຖະກິດ
ໃນອະນາຄົດສາມຫຼ່ຽມພັດທະນາຈະຂຶ້ນຢູ່ກັບຫຼາຍປັດໃຈ, ໃນນັ້ນຕ້ອງໄດ້ເວົ້າເຖິງຄວາມພະຍາຍາມຂອງ ແຕ່ ລະທ້ອງຖິ່ນໃນສາມຫຼ່ຽມພັດທະນາ ແລະ ການຂະຫຍັນໃນການຮ່ວມມືພັດທະນາ. ເພື່ອໃຫ້ມີການຕີລາຄາຮັບຮອງ ການຂໍປະເມີນປະລິມານກ່ຽວກັບການເພີ່ມທະວີ ແລະ ການປັບໂຄງຮ່າງເສດຖະກິດຂອງທ້ອງຖິ່ນໃນສາມຫຼ່ຽມພັດ ທະນາ, ບັນດາປັດໄຈຕໍ່ໄປນີ້ໄດ້ຖືກພິຈາລະນາເພື່ອສ້າງເປັນແຜນການພັດທະນາ:
ບັນດາທ່າແຮງພາຍນອກ: ປະກອບມີ ທຶນຈາກຕ່າງປະເທດ (ບັນດາຜູ້ສະໜັບສະໜູນລັກຂອງສາກົນ, ບັນດານັກລົງທຶນຂອງຕ່າງປະເທດ) ແລະ ບັນດາທຶນເຊີ່ງລັດຖະບານ ທັງສາມປະເທດ ກຳປູເຈຍ, ລາວ ແລະ ຫວຽດນາມ ລົງທຶນໃຫ້ເຂດສາມຫຼ່ຽມພັດທະນາ; ບັນດາກົນໄກນະໂຍບາຍ ຂອງທັງສາມປະເທດເພື່ອແນ່ໃສ່ເພີ່ມທະວີ ຊຸກຍູ້ວຽກງານຂຸດຄົ້ນບັນດາທ່າແຮງເຊັ່ນ: ແຜນນະໂຍບາຍ ກ່ຽວກັບການລົງທຶນ, ກ່ຽວກັບສິນເຊື່ອ, ກ່ຽວກັບເງື່ອນ ໄຂການໄປມາຕາມຊາຍແດນ...
ບັນດາທ່າແຮງພາຍໃນ: ປະກອບມີທ່າແຮງບົ່ມຊ້ອນໃນການພັດທະນາ, ຜົນປະໂຫຽດການປຽບທຽບຂອງແຕ່ ລະທ້ອງຖິ່ນ, ເງື່ອນໄຂກ່ຽວກັບວັດຖຸດິບຈາກທຳມະຊາດ, ແຮງງານ, ທຶນຂອງແຕ່ລະແຂວງ.
ອີງໃສ່ການຄາດຄະເນດ້ານປັດໃຈທາງໃນ ແລະ ທາງນອກຂອງກຳລັງຄວາມສາມາດ, ອີງໃສ່ບັນດາເອກະສານ ຂໍ້ມູນຂອງແຕ່ລະປະເທດດັ່ງຕໍ່ໄປນີ້:
- ສຳລັບບັນດາແຂວງຕາເວັນອອກສຽງເໜືອ ກຳປູເຈຍ:
ອີງໃສ່ບັນດາເອກະສານໂດຍແມ່ນແຂວງຣັດຕະນະກິຣິ ແລະ ສຕຸ່ງແຕຼງ, ບັນດາກະຊວງ ຂະແໜງການສູນກາງຂອງລາຊາອານາຈັກກຳປູເຈຍ; ຈຳນວນຂອງບັນດາອົງການຈັດຕັ້ງສາກົນ.
- ສຳລັບບັນດາແຂວງພາກໃຕ້ຂອງລາວ:
ອີງໃສ່ແຜນຍຸດທະສາດການພັດທະນາເສດຖະກິດ-ສັງຄົມ ຂອງ ສາທາລະນະລັດ ປະຊາທິປະໄຕ ປະຊາຊົນ ລາວ ຮອດປີ 2020; ແຜນຍຸດທະສາດການພັດທະນາເສດຖະກິດ-ສັງຄົມ ຂອງແຂວງອັດຕະປື ແລະ ເຊກອງ, ບັນດາເອກະສານຂອງບັນດາແຂວງໃນສາມຫລ່ຽມພັດທະນາ ນອກຈາກທຶນຂອງແຕ່ລະປະເທດແລ້ວ ຍັງດຶງດູດໄດ້ທຶນທາງນອກຕື່ມອີກ ເພື່ອລົງທຶນພັດທະນາໂຄງລ່າງພື້ນຖານ (ສຳຄັນຕົ້ນຕໍໃຫ້ກັບແຕ່ລະແຂວງຂອງ ກຳປູເຈຍ ແລະ ລາວ) ໃນໄລຍະປີ 2010.
ສຳລັບບັນດາແຂວງເຕີຍງວຽນ ຫວຽດນາມ:
ອີງຕາມແຜນກຳນົດທິດທາງການພັດທະນາ ຕາມບົດບັນທຶນໃນກອງປະຊຸມຄັ້ງ IX ຂອງພັກຄອມມູນິດ ຫວຽດນາມ (ຍຸດທະສາດພັດທະນາເສດຖະກິດ-ສັງຄົມປີ 2001-2010); ບັນດາເປົ້າໝາຍຂອງແຜນພັດທະນາ ໂດຍແມ່ນກອງປະຊຸມພັກແຂວງ ຢາລ່າຍ,ດັກລັກ,ດັກນົງ, ກ່ອນຕຸ່ມເປັນຜູ້ພິຈາລະນາຮັບຮອງ; ໂຄງສ້າງ ການພັດທະນາເສດຖະກິດ-ສັງຄົມເຕີຍງວຽນ ຮອດປີ 2010; ແຜນຍຸດທະສາດການພັດທະນາເສດຖະກິດ-ສັງຄົມ (ໄດ້ເພີ່ມການກວດສອບ) ຂອງບັນດາແຂວງດັກລັກ,ດັກນົງ, ຢາລ່າຍ, ກ່ອນຕຸ່ມ; ແລະ ສະພາບການພັດທະນາ ເສດຖະກິດ-ສັງຄົມ ຂອງ ເຕີຍງວຽນໃນຊຸມປີຜ່ານມາ.